Humb kontrollin, bije aksidentalisht nga një lartësi disa metra

Gjilan – Policia e Kosovës është njoftuar se tek sheshi ”Kadri Zeka”- në Gjilan para hyrjes së shtëpisë së mallrave një person Shqiptar Shtetas i Kosovës gjersa ishte në kryerje të disa punëve, në kulmin e një lokalit, kishte humbur kontrollin dhe aksidentalisht kishte rënë nga një lartësi nga disa metra. Edhe përkundër përpjekjeve të Mjekëve në QKUK në Prishtinë, fatkeqësisht si pasoj e lëndimeve të marra, viktima në orët e mbrëmjes ka ndërruar jetë.

I lënduari nga disa kalimtarë të rastit ishte dërguar në Emergjencën Rajonale në Gjilan, për tretman mjekësor.

Njësitet policore kanë bërë sigurimin e vendit të ngjarjes. Janë njoftuar njësitet e krimteknikës dhe hetimet Rajonale në Gjilan si dhe Inspektoriati i Punës pranë KK-Gjilan, të cilët me kohë kanë dalë në vendin e ngjarjes.

Nga Emergjenca në Gjilan jemi njoftuar se pasi i është dhanë ndihma mjekësore personi i lënduar, për shkak të lëndimeve të rënda, është dërguar për QKU-Prishtinë, për trajtim të mëtutjeshëm.

Edhe përkundër përpjekjeve të Mjekëve në QKUK në Prishtinë, fatkeqësisht si pasoj e lëndimeve të marra, viktima në orët e mbrëmjes ka ndërruar jetë.

Në lidhje me rastin, autoritetet policore kanë intervistuar disa dëshmitarë dhe kanë mbledhur prova në vendin e ngjarjes. Me vendim të prokurorit të shtetit, rasti po hetohet nga Policia e Kosovës Hetimeve Rajonale ka njoftuar Ismet Hashani./rajonipress/