Heronjtë nuk mundë t’i nderoni me fjalë, ata do t’i nderoni, kur ta zhvilloni vendin

Nga Gani Sadiku – Nuk nderohen familjet e dëshmorëve e posaçërisht familja Jashari, duke folur fjalë të mira për ta dhe për vendin. Nuk nderohen të rënët, as duke i kujtuar një herë në vit.Nuk nderohen as duke i lavdëruar për veprat sublime të tyre, dhe duke u thurrë fjalë të mëdha. Ata nuk dëgjojnë më, ata nuk janë me ne, për t’ua rrahur krahët, por ata janë në çdo vend, janë kudo, në çdo shtëpi e në çdo zemër.!

Ne po i lavdërojmë, ndërsa heronjtë po na mallkojnë. Nuk nderohen heronjtë duke ia shtuar plagët Kosovës.

Ata do të nderoheshin më shumë se çdo fjalë që e thuani, sikur ju, ta zhvillonit vendin,. Sikur ne ta bënim vendin të dashur e të jetueshëm edhe për familjet e të rënëve. ” Unë jam mirë kur Kosova është mirë”.

Ne jemi të prirur t’i lavdërojmë ditën e t’i shajmë natën. T’i përqeshim, e t’i vjedhim. T’ua rrahim krahët e t’i vrasim në pabesi.

Nuk ka familje e dëshmorëve që kënaqet me gjendjen që na e sollët ju, që ditë e natë i lavdëroni të rënët e tyre. Nëse ju se zhvilloni shtetin dhe nëse e vidhni, fjalët për të rënët i keni vetëm farsa boshe, i keni vetëm për ta ngritur veten në kurriz të tyre. Ata s`kanë nevojë as për lavde as për fjalë, ata e bënë vet historinë tonë.

As heronjtë por as ne, nuk e kemi ëndërruar Kosovën të tillë, kështu e bëtë ju, politikanë, ju komandantë të Rognerit, e bënë artistët, këngëtarët, mjekët, akademikët, e kush jo.? Të gjithë kontribuuat për mbrapsht.! Me sa kaçik patët, e sollët n’këtë derexhe. E vodhët e nëpërkëmbët, e sakatosët, në vend se ta lulëzonit si u erdhi n’kuti. Ju e përgjakët ardhmërinë e brezave. Ju e vodhët lirinë e tjerëve, paranë e popullit, ju e zaptuat dijen, i zaptuat spitalet, e shkollat, e tash ju po e lavdëroni më së shumti, ju jeni shëmtia e së ardhmes. Ju na e latë vetëm ajrin e ujin, se ato s’mundët të na e ndalni, pa na u ndalë gjaku që rrjedh nëpër damarët tonë të vuajtur. Pa na u ngri loti në sy, dhe pa na u ndal fjala në buzë.

Sot s`ka kush që shkruan e që vajton më mirë se ju që vratë në pabesi, s`ka kush që dinë t’i ngushëllojë nënat që vetë ua vratë bijtë, dhe s`ka kush që lidhet më shumë për të kaluarën sepse s`keni as të tashme dhe as të ardhme./rajonipress/