Haziri kundër vendimit të policisë së Gjilanit për të gjobitur qytetarët e Kosovës Lindore

Gjilan – Deputeti i LDK-së Lutfi Haziri të shtunën në një konferencë për medie ka akuzuar policinë e Kosovës dhe atë të rajonit të Gjilanit e cila me një vendim të saj tenton të gjobit padrejtësisht qytetarët e Kosovës Lindore. Haziri ka kërkuar nga Qeveria që urgjentisht ta shfuqizon këtë vendim sepse është diskriminues.

Deputeti i LDK-së Lutfi Haziri të shtunën është marrë edhe me një vendim siç e quajti ai të padrejtë dhe diskriminues për qytetarët e Kosovës Lindore. Haziri tha se vendimi i policisë së Gjilanit dhe i Qeverisë së Kosovës që të gjobitën qytetarët e Kosovës Lindore vetëm pse vizitojnë të afërmit apo familjarët e tyre në Gjilan e Kosovë është vendim absurd, i padrejtë dhe diskriminues.

Sipas Hazirit Qeveria e Kosovës urgjentisht duhet ta shfuqizojnë këtë vendim i cili shkel edhe të drejtat civile.”Këto taksa po aplikohen ndaj shqiptarëve të Kosovës Lindore kurse në të njëjtën kohë tolerohen serbët e Kosovës me nga 2 e 3 palë tabela të lëvizin dhe të vizitojnë të afërmit e tyre. Nuk e kam të qartë se interes i kujt është që të pengohet ardhja e shqiptarëve të Kosovës Lindore në Kosovë” ka pyetur Haziri.

Haziri tha se me këto taksa e gjoba po shkelen të drejtat civile të shqiptarëve të Kosovës Lindore kurse në Serbi ata po mbesin nën mëshirën e nacional shovinistëve serb./rajonipress/