Haziri: Gjilani meriton vëmendje më të madhe nga vet gjilanasit për të mos vazhduar kështu si “Zorrë qorre”

Gjilan – Gjilani meriton vëmendje më të madhe nga vet gjilanasit për të mos vazhduar kështu si “Zorrë qorre” si qe aktualisht është. Por duhet bërë qendër të rëndësishme ndërkufitare në të mirë të të gjithëve thotë Sokol Haziri.

Haziri tha për rajonipress se duke mos paragjykuar hipotetikisht mundësin e fitores apo dështimin e opozitës në zgjedhjet e ardhshme lokale, është me rendësi të konstatoj se kjo dinamik e zhvillimit dhe arritjeve, në të gjitha sferat në Komunë, len shumë për të dëshiruar.

“Natyrisht opozita aktuale duke përfshirë edhe subjektin që i takoj, duhet të ofrojnë më të mirët për kandidat për Kryetar të Komunës dhe për asambleist. Gjithashtu programe qeverisëse realiste dhe të realizueshme e me interes për qytetarët. Duke ndërtuar politika qeverisëse të bashkëpunimit dhe jo veprime që krijojnë klimë përparëse dhe bllokuese në institucione çfarë e kemi në nivel lokal qe sa kohë, e në nivelin qendror aktualisht duke rrezikuar seriozisht shtet ndërtimin e vendit. Praktika e fillimit të projekteve të mëdha nga fundi i mandatit nuk duhet të ndodh si dhe punët improvizuese, sa për të u dukur bukur e për të fshehur dështimet nuk duhet në asnjë mënyrë të jen model i qeverisjes së ardhshme” ka shtuar Haziri.

“Gjilani meriton vëmendje më të madhe nga vet gjilanasit për të mos vazhduar kështu si “Zorrë qorre” si qe aktualisht është. Por duhet bërë qendër të rëndësishme ndërkufitare në të mirë të të gjithëve. Këtë rast ka Gjilani qysh këtë vit, nëse bëjmë zgjidhjen e duhur” tha Sokol Haziri, nënkryetar i AAK – Dega në Gjilan./rajonipress/