Haradinaj: Kosovën do ta shpallim shtet të sportit, do t’i rrisim investimet

I nominuari për Kryeministër nga koalicioni AAK-PSD, Ramush Haradinaj ka zhvilluar sot një drekë pune me përfaqësuesit e federatave të sportit në vend dhe Kryetarin e Komitetit Olimpik të Kosovës, Besim Hasani.

Haradinaj ka thënë se para tyre e ka prezantuar konceptin e tij për Kosovës si shtet të sportit.
Ai, po ashtu, ka përmendur edhe Ligjin për sponsorizime i cili u miratua gjatë mandatit të tij qeverisës, por që ishte lënë peng për një kohë të gjatë.
“Në këtë mandat, kemi jetësuar suksesshëm Ligjin për sponzorizime, i penguar dhe lënë anash për shumë vite. Kemi investuar në Stadiumin e Kombëtares së Kosovës, në Qendrën e Xhudos në Pejë dhe në dhjetëra salla sportive në gjithë vendin. Në programin tonë Qeverisës zotohemi para sportistëve tanë, që Kosovën ta shpallim shtet të sportit, duke investuar në përmbylljen e infrastrukturës së nevojshme, stadiume, palestra sportive, shkolla të sportit dhe në promovimin e stimulimin e talentëve”, ka shkruar Haradinaj në Facebook.

Ai ka thënë se sportistët kosovarë po vazhdojnë të jenë promovuesit më të mëdhenj të Kosovës në botë.
“Qeveria Haradinaj 3, do të bëhet promovuese e denjë e talentëve tanë!”, ka shkruari ai.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).