Haliti konfirmon mbështetjen për KF “Vllaznia” nga Pozherani

Viti – Sokol Haliti priti në takim kryesinë e re të KF ‘Vllaznia’-Pozheran dhe rikonfirmon mbështetjen e këtij klubi.

Sokol Haliti me bashkëpunëtor ka pritur sot në takim kryesinë e re të Klubit të Futbollit “Vllaznia”-Pozheran, të kryesuar nga kryetari i ri, Halit Alidema i cili u shoqërua edhe nga Koordinatori i Pozheranit, Ilir Zuka.

Në këtë takim, Haliti, falënderoi kryesinë e kaluar për angazhimin dhe kontributin e tyre të çmuar në zhvillimin e këtij klubi futbollistik.

Poashtu, Haliti ofrojë mbështetjen e vazhdueshme tij dhe të qeverisë komunale ndaj KF “Vllaznia”.

Ai gjithashtu ju bëri thirrje të gjithë tifozëve të KF Vllaznia që të qëndrojnë besnik pranë klubit dhe të ofrojnë mbështetjen e tyre të pakursyer, me qëllim që ekipi të arrijë përsëri suksese të reja dhe të rikthehet në pozitat që meriton. Përndryshe bëhet me dije se ky klub i futbollit është aktiv që nga viti 1973./rajonipress/