Etina Salihu Abdixhiku: Aktrimin e kam hobi, por dua edhe ta studioj

Edhe pse aktrimin për momentin e ka vetëm hobi, Etina Salihu Abdixhiku shqiptarja nga Lugina e Preshevës e lindur dhe e rritur në Zvicër, në një intervistë për Radio Televizionin Syri Blue, thotë se dëshiron që të studioje për aktore.

“Kam marr pjesë në filmin Romanca e Hidhur. Filmin e kemi xhiruar para një viti. Ka qenë hera e parë që merrja pjesë në një film dhe më ka pëlqyer shumë. Nuk është lehtë me shkuar në një vend ku nuk njihemi krejt, por kam hyrë shpejt në rolin tim dhe më ka pëlqyer shumë, më është përshtatur në disa mendime të miat. Kështu e kam pasur shumë lehtë dhe e kam ndjerë edhe veten shumë mirë, kam mundur të shkoj deri në fund. “Për momentin e kam hobi, por kam qejf me shkuar më larg, dua ta studioj aktrimin”, thekson Etina Salihu Abdixhiku në intervistën ekskluzive për Radio Televizionin Syri Blue, në Emisionin Diaspora Show.(luginapress)