Enis Bardhi i “hakmerret” ish-klubit me gol, por nuk feston

Enis Bardhi dhe Taulant Seferi kanë gjetur rrugën e rrjetës për skuadrën e tyre, Bodrumspor në përballjen me Trabzonspor, në kuadër të Kupës së Turqisë, njofton Telegrafi.

Fillimisht golin e gjeti Taulant Seferi që barazoi shifrat në 1-1, pasi Banza i Trabzonsport kishte shënuar i pari.

Goli erdhi në minutën e 20-të, kur Bardhi u shërbye brenda zonës nga futbollisti i kombëtares shqiptare, Seferi për rezultatin 2-1.

Megjithatë, mesfushori shqiptar nuk e harroi të kaluarën e tij te Trabzonspori dhe tregoi respekt për ish-tifozët e tij. Ai ngriti duart në shenjë ndjese dhe zgjodhi të mos festojë përballë atyre që e mbështetën gjatë sezonit të kaluar.

Enis Bardhi asnjëherë nuk e pati mundësinë të tregonte vlerat e tij me fanellën e Trabzonsporit. Pavarësisht talentit dhe përvojës së tij, drejtuesit e klubit vendosën ta largojnë nga skuadra, duke i ndaluar madje edhe stërvitjet me ekipin e parë.

Në fund, mesfushori shqiptar u detyrua të largohej nga Trabzoni, duke nisur një kapitull të ri në karrierën e tij me Bodrumsporin. /Telegrafi/