Edhe Livoçi i Epërm konfirmoi besimin e madh për Vjosa Osmanin dhe kandidatët nga Gjilani

Livoçi i Epërm ka organizuar të mërkurën tubim madhështor, duke mirëpritur dhe shprehur besimin e madh për pesëshen e kandidatëve të LDK nga Gjilani: Lirije Kajtazi (6), Fatmir Rexhepi (20), Valentina Bunjaku Rexhepi (21), Imet Rrahmani (35) dhe Faton Bislimi (44).

Kryetari i nëndegës, Idriz Ramadani, në emër të banorëve atje, ka deklaruar se i tërë Livoçi i Epërm janë çu n’këmbë për ta mbështetur fuqishëm kryeministren e ardhshme, Vjosa Osmani dhe kandidatët e Gjilanit.

Kandidatja Lirije Kajtazi (6), theksoi se mesazhin e fitores së madhe po e lexon te secili prej të pranishmëve, ndërsa kandidati Fatmir Rexhepi (20) ka deklaruar se i tërë populli i Kosovës i ka kthyer sytë kah LDK, duke e pritur me padurim ndryshimin e madh më 6 tetor.

Kandidatja Valentina Bunjaku Rexhepi (21), u shpreh se kjo armatë e mbështetësve të LDK, përkthehet me përgjegjësi më të madhe në punë në Kuvendin e Republikës, përderisa kandidati Imet Rrahmani (35), tha se lista e LDK është listë e pastër, pa asnjë të korruptuar, e pa asnjë të dënuar.

Ndërkohë, kandidati i LDK’së me numër 44, Faton Bislimi, tha se Livoçi i Epërm gjithmonë ka ditë të rreshtohet në rrugë të drejtë e në rrugë të mbarë dhe kjo rrugë është vetëm LDK më kryeministren e ardhshme, Vjosa Osmani.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).