Dy gjilanas akuzohen për rrëmbim dhe shtrëngim

Gjilan – Prokuroria Themelore në Departamentin e krimeve të rënda në Gjilan ka ngritur aktakuzë kundër Burim Agajt dhe Muhamet Sylejmanit të dyshuar për veprën penale të shtrëngimit.

Burim Agaj dhe Muhamet Sylejmani që të dy nga Gjilani akuzohen nga Prokuroria Themelore e Gjilanit, Departamenti i Krimeve të rënda se më 22 janar 2013 në bashkëveprim e kanë detyruar të dëmtuarin Burim Halitin nga Gjilani që të veprojë në dëm të pasurisë së vet, ashtu që fillimisht pasi janë takuar në një kafiteri me të pandehurin Burim e vënë fillimisht në lajthitje se gjoja po shkojnë tek një shok i tyre në Bresalc.

Sipas aktakuzës të dyshuarit duke e mashtruar viktimën e dërgojnë në një pyll në largësi rreth 150 metra. I pandehuri Burim fillimisht kërkon nga i dëmtuari që t`i dërgojë të holla nga Afganistani, ku ishte duke punuar përndryshe do të kishte pasoja familja e tij.

Por i dëmtuari nuk pranon, i pandehuri Burim i hedh sprej në fytyrë- hundë duke e rrëzuar në tokë e poashtu me shqelma e godet të dëmtuarin edhe i pandehuri Muhamet, kurse më pastaj i nxjerrin thikat dhe me thikë ia lëndojnë veshin e majtë.

Sipas aktakuzës nën kanosjen e të pandehurit Burim Agaj që nëse e lajmëron rastin në polici i dëmtuari do të ketë pasoja e sjellin në Gjilan ku edhe ai menjëherë lajmëron organet e policisë.

Në aktakuzë thuhet se i pandehuri Burim Agaj e ka pranuar veprën derisa Muhamet Sylejmani ka mohuar veprën. /rajonipress/