Donika Gërvalla: LDK duhet të organizojë kuvend të jashtëzakonshëm për largimin e Isa Mustafës

Anëtarja e LDK-së, Donika Gërvalla ka reaguar shumë ashpër ndaj deklaratave kërcënuese të Isa Mustafës, i cili gazetarin e kishte quajtur qen bir qeni. Ajo në një shënim në FB ka theksuar se LDK duhet ta organizojë një Kuvend të Jashtëzakonshëm, ngase në të kundërtn po rrezikohet shteti i Kosovës dhe varrosja përfundimtare e partisë.

Ky është postimi i plotë i i Gërvallës:

“Qen bir qeni, ke me e pagu shtrenjtë!
Sa herë që mendon që Kryeministri i Kosovës ka arritur kulmin me sjelljen e tij të papranueshme, kalojnë shumë pak ditë dhe vjen tjetra, edhe më skandaloze.

Këto nuk janë gafa të thëna në gjaknxehtësi, këto janë dëshmi se si i sheh Isa Mustafa qytetarët e Kosovës dhe cilat janë metodat e tij të qeverisjes.

Ne, delegatët e Kuvendit Qendror të LDK-së, me çdo ditë që vonohemi në thirrjen e një Kuvendi të jashtëzakonshëm të LDK-së për zgjedhje të reja në Lidhjen Demokratike të Kosovës, e bëjmë veten bashkëfajtorë në rrezikimin real të Republikës dhe në varrosjen përfundimtare të kësaj partie, e cila dikur simbolizonte urtinë dhe guximin civil.’/gazeta blic/