Derisa punohet në autostradë, fshatrat e afërta përjetojnë tmerr nga balta dhe rrugët e shkatërruara

Gjilan – Punimet në autostradën e Gjilanit janë shndërruar në pengesa serioze për banorët e fshatrave Verbicë e Zhegovc. Rexhep Sejdiu thotë se ata po e përjetojnë tmerrin sepse rrugët janë të tëra me baltë dhe të dëmtuara nga makineria e rëndë.

E kanë pritur me shumë gëzim ndërtimin e autostradës së Gjilanit, por së fundit banorët e Malësisë së Verbicës dhe Zhegovcit po kanë telashe shumë serioze me kompanitë që punojnë dhe operojnë në autostradë.

Rexhep Sejdiu banor dhe përfaqësues i këtyre fshatrave thotë se ndonëse janë dhënë miliona euro investime për autostradën Gjilan – Prishtinë, banorët e Verbicës dhe Zhegovcit janë në hall të madh nga makineria e rëndë e kompanive të cilat i shkatërrojnë dhe dëmtojnë rrugët. “Ne banoret e Malësisë Verbicë dhe Zhegoc, përjetojmë tmerr prej lloçit gjatë tërë ditës, deri kur kështu” ka shkruar Sejdiu i revoltuar në rrjetet sociale../rajonipress/