Sfiduesi i radhës: “Fitorja”, kompania e ndërtimit që ka investime milionëshe në fushën e ndërtimit në Gjilan

Gjilan – Kompania “Fitorja” nga Ferizaji e cila operon edhe në Gjilan, për shumë vite llogaritet si njëri nga investitorët më të mëdhenj dhe serioz në fushën e ndërtimit. Drejtuesit e kësaj kompanie flasin me admirim dhe përkushtim për investimet e tyre milionëshe, derisa vlerësojnë se objektet e tyre banesore i kanë të gjitha lejet përkatëse dhe i plotësojnë kriteret e ndërtesave cilësore e të nivelit evropian.

11 pyetjeve të Rajonipress u janë përgjigjur drejtuesit e kompanisë “Fitorja” nga Ferizaji.

Ne jemi në pritje edhe të shumë kompanive tjera nga të cilat presim përgjigje serioze dhe profesionale mbi kriteret e ndërtimit në qytetin e Gjilanit, për të cilën thuhet se tashmë është krijuar një kaos dhe krim urbanistik.

“Fitorja” ka dhënë këto përgjigje në 11 pyetjet e Rajonipress:

Rajonipress: Cili është investimi i kompanisë tuaj pas luftës në fushën e ndërtimit në Gjilan?

Fitorja: Investimet vetëm në Gjilan në fushën e ndërtimit janë milionëshe, e shprehur në sipërfaqe ndërtuese është mbi 120.000,00 m2.

Rajonipress: Cilat janë problemet që keni hasur gjatë veprimtarisë tuaj në raport me institucionet qendrore dhe lokale?
Fitorja: Mundë të themi se nuk kemi pasur probleme të mëdha, sa i përket marrjes së lejeve ndërtimore, mirëpo sa i përket pranimeve teknike të objekteve kemi vonesa, por jo të mëdha.
Rajonipress: Cilat janë problemet evidente në raportin blerës – shitës?
Fitorja: Në dy vitet e fundit kemi pasur një udhëzim administrativ nga nivelet qendrore i cila për blerësit nga Kosova Lindore i`u ka vështirësuar blerje të banesave. Në vitin 2025 ky vendim sipas informacionit që kemi është anuluar.
Rajonipress: Cili është defekti më i madh që keni hasur tek blerësit tuaj dhe si bëhet pagesa e blerjes së banesave, kesh apo përmes Bankës?
Fitorja: Të gjitha pagesat behën përmes transferit bankar.
Rajonipress: A i përmbaheni kritereve dhe marrëveshjeve kontraktuale gjatë realizimit final të shitjes së banesave?
Fitorja: Plotësisht i përmbahemi kontratave noteriale
Rajonipress: Cila është porosia e juaj për bizneset si motra?
Fitorja: Mos të kemi shmangie nga projektet e miratuara nga Drejtoria e Urbanizmit
Rajonipress: Çka do të veqonit tek pronarët tjerë, ku janë defektet?
Fitorja: Të respektohen projektet dhe kushtet urbanistike. Kërkohet më tepër inspektime në teren.
Rajonipress: A mendoni se shitja e banesave ka çmim të lartë në Gjilan apo është standard dhe nivel rajonal?
Fitorja: Çmimet aktuale janë reale
Rajonipress: A kanë studime fizibiliteti banesat e juaja dhe a posedojnë shkallë emergjente?
Fitorja: Të gjithë objektet tona janë të pajisura me projekte të cilët kërkohen me ligjet e ndërtimit.
Rajonipress: A keni ndonjë padi apo akuzë në Prokurori dhe Gjykatë nga blerësit?
Fitorja: Deri tani nuk kemi
Rajonipress: A jeni të pajisur me leje ndërtimore, studim të fizibilitetit dhe pranime teknike?
Fitorja: Të gjitha objektet tona të ndërtuara (120.000 m2), janë të pajisura me leje ndërtimi, certifikata të përdorimit dhe certifikata e pronës ./rajonipress/