Deremahalla e Gjilanit konfirmon mobilizimin e jashtëzakonshëm të LDK’së për zgjedhjet e 6 tetorit

Gjilan – Shtabi Zgjedhor i Lidhjës Demokratike të Kosovës në Gjilan po vazhdon me aktivitete maratonike si parapërgatitje zgjedhjet e jashtëzakonshme të 6 tetorit. Në mbrëmje është hapur zyra e re e nënshtabit të LDK’së në lagjen Deremahallë, ku pos kryesisë, kanë marrë pjesë edhe kryetari i Shtabit Zgjedhor të Degës, Arben Mehmeti dhe pesë kandidatët për deputet.

Mehmeti theksoi me këtë rast se është nëndega e Deremahallës gjithmonë ka qenë fituese, duke shfaqur besimin se mbështetja për BesëLidhjen do të rritet edhe më shumë në këto zgjedhje.

Kryetari i nënshtabit të LDK’së në lagjen Deremahallë, Arsim Bejtullahu, ka deklaruar se po punojnë në modelin e njëjtë të vitit 2017, kur nënkryetari i LDK’së, njëherësh kryetar i Shtabit në nivel qendror, Lutfi Haziri, mori mbështetjen në mënyrë plebishitare të gjilanasve.

Strukturave të LDK’së atje u janë drejtuar me një fjalë rasti edhe kandidatët për deputet, Lirije Kajtazi, Fatmir Rexhepi, Valentina Bunjaku Rexhepi, Imet Rrahmani dhe Faton Bislimi, të cilët kanë folur në superlative për organizimin e kësaj nëndege./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).