Çfarë porosie ka Idriz Seferi për kreun e Gjilanit Lutfi Hazirin?

Gjilan – Eh bre Lutë Haziri, mirë që më solle në Gjilan dhe mirë bane që më vendose bash në qendër të Gillanit, po pasha mixhën qyteti boll pak paska ndryshue e boll hiq spaskit vyet. Puno për Gillanin o Luto e leje Prishtinën e Brukselin se ato sjapin me hangar. Votat i ke marr në Gillan e të duhet shumë punë pasha mixhën, plus i ke do zyrtarë e drejtora që veç zoti t`i ka sjell aty afër… (rrëfim imagjinar i Idriz Seferit, një ditë pasi pushoi i qetë në qendër të Gjilanit).

U qova me gëzim në sabah t`ferkit me pa se qysh po merr frymë ky shehër. Dikur edhe fëmija u tutshin prej neve e kishte ma shumë respekt e dashni pasha mixhën. Po nejse, ta fillojmë me ma të madhin e Gillanit se kështu ka qejf me thirrë Luta.

Pasha bacën, ky shehri i Europës qysh po e thirrni ju, hala paska qen endacakë e badihavgji kish kudo. Besa do edhe afër meje po mrizojnë. Luto, ktheju Gillanit e puno për këtë shehër, bane zemrën guri e leje pak karrigen e Prishtinës, se e ke bukur zor t`i me hyp në karrigen e Isës, se ai është akademik pasha bacën.

Luto, po shoh që shehri paska shumë bërllok kudo. Merre situatën në dorë e mos u anko, “jo ky, jo ai është fajtor”. T`i je i pari dhe të mirat e të këqijat bien mbi ty. Bane një qeveri e një opshtinë që iu grah punëve. Mos merr drejtora gjytyryma që as punët e tyne s`i kanë ndreqë. Ata që punojnë veç për bukë n`gojë e një rrogë, s`ka sen prej tyne. Mledhjau betë pak e frenojë me do lukse. Nuk ka mu shetit napër kodra e male të huaja e venin tand me lanin batall.

Luto, kjo përmendorja jeme s`ka vlerë, nëse nuk i detyron zyrtarët e tu me punue me djersë e me dashni. Ke plotë zyrtarë që janë me behane nëpër gjyqe e polici. Ke vendos nëpër borde njerëz të sëmurë e psikopata. Ata pasha mixhën ta han kryet ty në fund.

Eh more Luto, të ka hy pak maraki mu ba i pari në partinë e madhe. Ani banu dhe shko ku të duash, po Gillanin mos e merr në qafë, se nuk të ka borxh. Nale luksin pak, nale këtë ndërtim që po bahet pa leje e tuli krimineli me ndërtue në këtë shehër. Sa banesa qenka ba e sa dami u ba mos vet.

Edhe diçka Luto. Boll më erdh inati kur po ndiej prej sheherlive se Luta për katër vjet veç ka fjetë, e hala sen sun ka ba. Mos u dorëzo Luto! Puno natë e ditë për me metën faqebardhë. Dije nja që këta që të kanë besue, nuk durojnë shumë gjatë.

Luto, për fund unë e dua Gillanin të zhvilluem, të ecun drejt e më zemër të madhe. Nuk due me punue t`i për Prishtinë, e karrigen në Gillan. Kthjellu Luto sa nuk është ba vonë…./rajonipress/