Çfarë jemi ne, të tillë e kemi edhe qeverinë

Nga Fadil Maloku – 1. Bashkësia ndërkombëtare, duke nxjerr politikan servilë dhe konformista ka bërë shumë dhe akoma po bën shumë pazare ekonomike (privatizimi i dyshimtë) e sosh politike (Asociacioni e Demarkacioni), në dëm të Kosovës.

2. Tani, kjo gatishmëri “egzotike” (pothuajse) e politikanëve tanë për këtë tip konformizmi “vullnetar”, po lidhet disi edhe me bindjen që ia kemi amputuar ngadalë por, sigurt vetës për “ikjen” formale nga orientalizmi.

3. Në ndërkohë, “pamja” jonë e re konformiste, pahetueshëm po e prodhon stereotipin tjetër të sjelljes qytetare; Atë të dëshmisë aksidentale, se ne edhe si individ, por edhe si popull mund të bëhemi edhe “më katolik se Papa”.