Bersant Celina për debutimin: Ëndërr e bërë realitet

Një nga talentët më të mirë shqiptar Bersant Celina sot ka debutuar në fanellën e klubit anglez Manchester City në fitoren prej 0 me 3 si mysafir i Norwichit.

Përfaqësuesi i Kosovës u inkuadrua në këtë takim në minutën e 85’ në vend të Iheanachos, transmeton Koha.net.

Ai pas takimit për faqen zyrtare të klubit është shprehur se kjo është një ëndërr e bërë realitet.

“U ndjeva shumë mirë në debutim dhe jam shumë i lumtur, kjo është një ëndërr e bërë realitet, vërtetë jam shumë i lumtur. Jam i lumtur që sot e pata rastin të luaj. Nuk e kam pritur që sot të luaj, por menaxheri më pyeti nëse jam i gatshëm që të luaj dhe unë thash që po”, është shprehur Celina.

I pyetur nga gazetarja se cili është mesazhi i tij për fansat në Kosovë, që sigurisht që janë të lumtur për këtë arritje të tij, Celina është shprehur: “Dua të falënderojë të gjithë që më mbështesin”.

Mesfushori sulmues shihet si një nga talentët më të në Angli, ndërsa shquhet për aftësinë e tij në kontrollimin e topit, si dhe në gjuajtjet e lira.

Ai kishte shënuar edhe në miqësoren që Kosova dhe Shqipëria e kishin zhvilluar në stadiumin e Prishtinës në muajin nëntor, duke e mposhtur nga pika e bardhë Etrit Berishën.

http://koha.net/?id=1