ATK-ja shpenzoi 130.000€ në kartela mbushëse (grithëse) të VALA-së

Administrata Tatimore e Kosovës gjatë vitit 2013 kishte shpenzime të telefonisë mobile në vlerë prej 130,000€.

Drejtori i Përgjithshëm i ATK-së, Behxhet Haliti, këto mjete financiare i ka derdhur në llogarinë e telefonisë mobile “VALA”.

Në këtë rast Zyra e Auditorit të Përgjithshëm ka gjetur se ATK nuk ishin mbështetur nga marrëveshjet kontraktuale me ndonjë Operator Ekonomik.

“Deri më tani këtë lloj furnizimi ATK e ka bërë përmes blerjes së kartelave mbushëse (grithëse) nga PTK-VALA 900”, thuhet në raportin e ZAP.

Po ashtu auditori ka përkujtuar ATK-së se në Kosovë tani operojnë disa operator ekonomik që ofrojnë shërbime të mira dhe me çmime të favorshme.

“Mënyra aktuale e furnizimit me mbushje t? telefonave rrezikon sigurimin e shërbimeve efikase dhe ekonomike”, thuhet në raport.

Auditori po ashtu ka rekomanduar Drejtorin e Përgjithshëm që të shqyrtoj mundësinë e zhvillimit të procedurave të prokurimit për shpenzimet e telefonisë mobile në mënyrë që të siguroj shërbime efikase dhe vlerë të parasë./zeri/