Ardon Jashari beson në veten e tij: E di që një klub i niveleve të larta interesohet për mua!

Ardon Jashari, mesfushori i Kombëtares së Zvicrës dje u paraqit në një konferencë për media ku foli për dy ndeshjet miqësore dhe për të ardhmen e tij.

Jashari zhvilloi një super sezon me Club Brugge, duke u shpallur edhe më i miri i vitit 2024/25 te skuadra belge, shkruan Indeksonline

Ai u pyet rreth situatës për të ardhmen dhe për ofertat që ka tashmë në tavolinë. Madje flitet edhe se Manchester City ka shprehur interesim për të.

“Fakti që Murat Yakin ka thënë se unë mund të luaj në nivele të larta, kjo më bën shumë krenar. Kam bërë paraqitje të mira në Ligën e Kampionëve këtë sezon. Kjo është arsyeja pse e di që një klub i nivelit të lartë, nga ligat kryesore interesohet për mua. Edhe atje duhet ta provosh veten. Por, edhe unë e kam parë që mund të konkurroj”, u shpreh Ardon Jashari

“Kishte spekulime edhe gjatë kohës kur isha në Luzern. Për mua është e rëndësishme të jap maksimumin në çdo ndeshje. Kështu bëra edhe në Belgjikë. Edhe pse këto spekulime më bëjnë krenar”, vazhdoi mesfushori shqiptar

Kombëtarja “helvetike” do t’i luajë dy ndeshje miqësore gjatë këtij muaji. Ndaj Meksikës më 7 qershor dhe ndaj Shteteve të Bashkuara të Amerikës më 11 qershor./Indeksonline/