Angazhimi i shtuar dhe atmosfera mobilizuese garancë për suksesin e Degës së AAK-së së Vitisë në zgjedhje

Viti – Kryesia e Degës së AAK-së në takimin e saj të radhës ka konfirmuar se Dega e AAK-se në Viti, në zgjedhjet e jashtëzakonshme nacionale garon me dy kandidatë, kryetarin e degës z. Faruk Nura dhe profesorin Dr. Samet Dalipi.

Andaj ajo ka filluar dhe intensifikuar veprimet përgatitore dhe ka rritur dinamikën e punës, duke ndërmarrë hapat e nevojshme, me qëllim të bashkërenditjes dhe koordinimit sa më efektiv të aktiviteteve të fushatës zgjedhore.

Ka themeluar Shtabin Zgjedhor me të gjithë mekanizmat ndihmës. Me qëllim të angazhimit të gjithë potencialit dhe të aktivizimit të gjitha kapaciteteve në fushatën e saj zgjedhore Dega e AAK-së në Viti ka përcaktuar kahet dhe orientimet e angazhimeve të saj, dhe ka hartuar agjendën e takimeve me strukturat e saja dhe anëtarësinë në teren.

Kryesia ka vlerësuar se angazhimi i shtuar dhe aderimet e shumta kanë kanë rezultuar me avancimin dhe fuqizimin e organizimit partiak në të gjitha nivelet. Të gjitha këto kanë përçuar një energji pozitive tek anëtarësia dhe simpatizantët e saj, duke prodhuar një frymë dhe atmosferë të jashtëzakonshme mobilizuese, e cila është e pranishme dhe vërehet në të gjitha segmentet dhe nivelet e organizimit dhe angazhimit partiak duke fuqizuar bindjen dhe besimin për sukses në zgjedhje thuhet në njoftimin e degës së AAK-së në Viti./rajonipress/

Shpërndaje.
© RAJONIPRESS