Aliu: Kërkuan shkarkimin e Kuvendit, me gjasë qenkan vetë shkarkuar

Gjilan – Dikush në kuvend e komentoj më ndryshe mos prezencën e qeverisjes komunale : Nuk mundën me shkarku Kuvendin, me gjasë qenkan VETË SHKARKUAR ka shkruar Avdyl Aliu.

Postimi i plotë:

Në seancën e fundit të Kuvendit Komunal, ‘administratori’ i komunës së Gjilanit, duke e parë raportin e votave me rastin e votimit, lëshoi seancën e kuvendit për të vrapuar drejt në zyrën e tij, për t’i kërkuar ndihmë dostit në MAPL për të filluar procedurat për shkarkimin e Kuvendit Komunal.

Nuk vonoj shumë, përgjigja i erdhi nga MAPL, përgjigje dëshpëruese nga dosti!
Siç po shihet edhe në fotografinë nga Kuvendi Komunal, asnjëri prezent nga ekzekutivi i komunës gjatë mbajtjes së dy seancave të Kuvendit Komunal (seanca e jashtëzakonshme dhe seanca e rregullt).

Sot ndër të tjerash, temë qendrore ka qenë Raporti i Zyrës Kombëtare të Auditimit për pasqyrat vjetore financiare të Komunës së Gjilanit për vitin 2023.

Duke ditur për cilësimin skajshmërisht negativ nga ZKA: OPINION I KUALIFIKUAR dhe duke mos dashur të dëgjojë vlerësimet e opozitës për këtë raport, administratori me ekipën e tij, pa asnjë arsyetim bojkotuan këto dy seanca të sotme.

Dikush në kuvend e komentoj më ndryshe mos prezencën e qeverisjes komunale :
Nuk mundën me shkarku Kuvendin, me gjasë qenkan VETË SHKARKUAR.