Alban Muja prezantohet në Gjermani

Organizata “Miqtë e Artit Bashkëkohor” në Munster të Gjermanisë, së bashku me klubin e filmit të këtij qyteti, do të prezantojë me 4 gusht punën e artistit kosovar Alban Muja.

Ky prezantim iu bëhet artistëve dhe regjisorëve për të cilët konsiderohet se janë në qendër të vëmendjes. Në këtë aktivitet do të prezantohen pesë filmat e Mujës:

“Free your mind”, i prodhuar në vitin 2004 dhe zgjat afër 10 minuta; “Palestina”, i realizuar një vit më vonë, zgjat rreth 7 minuta; “Blue wall, red door” është prodhuar në vitin 2009 dhe zgjat 33 minuta; filmi tjetër që do të shfaqet është “Tibet”, i të njëjtit vit dhe i fundit është “Ajda”, i realizuar vitin e kaluar(Tribuna).