AKR mbanë takim në Fushë Kosovë, prezanton projektet në këtë Komunë

Aleanca Kosova e Re ka vazhduar vizitat para zgjedhore në degët e saj në komunat e Kosovës, ku sot ka mbajtur takim me anëtarë dhe simpatizantë të saj në Fushë Kosovë.

Në këtë takim, në emër të AKR-së folën deputeti Islam Pacolli dhe Ministri i Mjedisit dhe Planifikimit Hapësinor, Fatmir Matoshi, të cilët prezantuan projektet që janë realizuar në këtë komunë nga ministritë që udhëheq AKR-ja.

Deputeti i Kuvendit të Kosovës, Islam Pacolli, tha se AKR gjatë qeverisjes ka përkrahur të gjitha komunat e Kosovës me projekte të ndryshme zhvillimore.

“Ministrat tanë gjatë udhëheqjes së tyre kanë përkrahur të gjitha komunat e Kosovës me projekte të ndryshme dhe ne kërkojmë nga qytetarët e Fushë Kosovës që të na përkrahin edhe më tutje që të mund të vazhdojmë të japim kontributin për vendin tonë” u shpreh deputeti Pacolli.

Ministri i MMPH-së, kandidati për deputet, Fatmir Matoshi foli rreth vizionit të presidentit të AKR-së, Behgjet Pacolli, për të cilin tha se ka bërë shumë për Kosovën dhe për këtë meriton përkrahjen e qytetarëve të vendit. Ai po ashtu ka shpalosur projektet të cilat ka kryer ministria që ai drejton në qytetin e Fushë Kosovës dhe ka kërkuar përkrahjen e tyre që koalicioni NISMA dhe AKR të jenë triumfuese në zgjedhjet e 6 Tetorit.

“Një javë para shpërbërjes së Kuvendit të Kosovës janë miratuar 78 milion euro nga fondet e IPA-s, të cilat do të shfrytëzohen për ndërrimin e filterave të termocentralit Kosova B e cila do të ketë ndikim enorm në mos ndotjen e ajrit të Fushë Kosovës. Ne gjithashtu Brenda një jave do të jemi në Fushë Kosovë, për të filluar rregullimin e shtratit të lumit të bardhit të madh”, tha Matoshi.

Driton Hasolli, asambleist i Komunës së Fushë Kosovës nga radhët e AKR-së, tha se gjatë kësaj periudhe si përfaqësues i AKR në asamblenë e Komunës ka iniciuar shumë projekte të rëndësishme për mirëqenien e qytetarëve, ndërsa, ai më kryesori është projekti i aprovuar nga Ministria e Mjedisit dhe Planifikimit Hapësinor për rregullimin e shtratit të lumit të bardhit të madh, i cili ka vlerë 250 mijë euro.
Në fund të takimit u bë edhe prezantimi i kandidatëve për deputet nga AKR, Islam Pacolli, Fatmir Matoshi, Vesel Makolli, Alma Lamçja, Ymer Rogova, Nusret Qubreli dhe Avdullah Mehmeti.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).