Prangosen dy hajna, të dyshuar për vjedhje ari

Gjilan – Policia e Kosovës në Gjilan kohë më parë është njoftuar për një rast ku ishin vjedhur stoli ari të ndryshme në vlerë të konsiderueshme si dhe një armë pistoletë e zezë prodhim Italian me datë 13.07.2014. Njësiti i hetimeve pas një pune mirë të organizuar operative dhe informatave të besueshme me datë 02.09.14 rreth orës 11:55 i ka arrestuar dy të dyshuar që besohet të jenë të implikuar në këtë rast tha Ismet Hashani zëdhënës i policisë rajonale në Gjilan.

Të njëjtit në lokalet e NJHK-së janë intervistuar me shkrim në prezencë të avokatëve mbrojtës.

Të dyshuarit me aktvendim mbi ndalimin të lëshuar nga Prokurori kujdestar i PTH për krime të përgjithshme Gjilan janë ndaluar 48 orë në Qendrën e Ndalimit Gjilan.

Në bazë të dëshmive materiale të qëndrueshme që disponon Policia e Kosovës konkretisht njësiti i hetimeve, të dyshuarit në fjalë në grup besohet të kenë kryer disa vepra penale në Gjilan e rrethinë kryesisht vjedhje të rënda.

Me vendim të prokurorit të shtetit ndaj tyre është caktuar masa e ndalimit për 48 orë. Rastet e kompletuara do t`i dorëzohen prokurorit të shtetit tha Hashani./rajonipress/