Rona, pafundësisht e falënderon Tefta Tashkon

Rona Nishliu është personalitet i shquar i estradës sonë muzikore dhe më gjerë.Por, kjo nuk do të thotë që këngëtarja e hitit evropian “Suus” nuk shpreh admirim për personalitet e tjera shqiptare, transmeton Telegrafi.

Përmes një postimi në “Instagram”, Rona ka treguar gjithë respektin dhe dashurinë për Tefta Tashkon.

“Veç adhurim për Teftën time, Teftën e askujt, Teftën e të gjithëve: Jam e lumtur kur mendoj që themelet e artit tonë, muzikës profesioniste shqiptare, u hodhën nga një personalitet si ju, znj. Tefta Tashko, mu në vitet e para të shtetit të ri shqiptar… Mburrem që një grua ishte nismëtarja e procesit të interpretimit të muzikës popullore dhe asaj të kultivuar përmes koncerteve publike, radios dhe Disqeve! Ju me bashkëpunëtorët tuaj nisët dokumentimin e thesareve të muzikës tonë përmes incizimeve në pllaka gramafoni në Paris e Milano. Kontributi juaj ngelet madhështor në kulturën muzikore kombëtare. Pafundësisht falënderuese… TË DUA”, ka shkruar përbri një fotoje të këngëtares Tefta, të cilën e ka publikuar në Instaramin e saj, Rona. /Telegrafi/