Haradinaj: Nuk kam besuar se LDK shkon me PDK
RajoniPress
23:32, 8 Janar, 2015
Kryetari i Aleancës për Ardhmërinë e Kosovës, Ramush Haradinaj në emisionin “Forum” të Televizionit Rrokum, thotë se ka qenë i bindur se blloku ka me ia arrit qëllimit.
Sipas tij, ka qenë Lidhja Demokratike, siç shprehet ai, që nisë me balancuar çdo gjë. Duke sjellë edhe thyerjen e rreshtimit të përbashkët të opozitës. Por, zërave që thoshin se blloku po çahej, Haradinaj thotë të mos u ketë besuar.
“Ka qenë shumë sfiduese me i merri caqet e me siguruar ndryshimin në vend, deri në një kohe kam pasur siguri se kjo asht e mundur që VLAN-in tw funksionoj. Por me kalimin e kohës kemi has në vështirësi, kuptohet LDK-ja filloj më qitë në balancë çdo gjë, nuk banë kendej, nuk banë andej, dmth ata filluan me reflektuar edhe më herët. Në rast se një subjekt politikë është i përcaktuar për ndryshim si mundet me shkuar me vazhduar gjendjen e ma pashme,nuk kamë besuar që mundet me ndodh në ketë mënyrë pra, kemi pas informata, megjithatë kam besuar që janë të përcaktuar për ndryshim.
Por ai mohon se blloku ishte i kualifikuar kundër tij e Limajt. Haradinaj thotë se blloku dështoi t’i krijoj institucionet, ndërsa korrupsionin ai e quan kancerin e shoqërisë tonë. Ai nuk e lë pa e kritikuar edhe presidenten.
“ Duke e parë ne si VLAN dështuar me i krijuar institucionet, këtu u punua me kriteret që ishin krejt koti. Në 4 kritere asnjeri nuk ishte korrupsioni. Kriteri i pari i presidentes nuk ishte korrupsioni, ajo dukej si mos me jetuar në Kosovë.
Haradinaj thotë se ideja për krijimin e bllokut ishte e Lidhjes Demokratike, dhe Nismes.
“Ideja për Bllok ishte e LDK-së dhe Nismas të cilës edhe unë ju kame bashkuar”
Pavarësisht kësaj Haradinaj thotë se LDK-ja asnjëherë nuk i ka kërkuar të tërheq prej pozitës se kandidatit për kryeministër.
“Ata ja kanë kërkuar vetes po jo mua… që atëherë kur filluan me ja kërkuar vetes u pa që ishte kamuflazh, po ta kishin kërkuar sigurisht kishim gjetur një zgjidhje.
E ne fund Haradinaj e pranon se është humbës i kësaj beteje, por ai thotë se përveç ti humbës është edhe Kosova.
