Cana lamtumirë Nantesit

Lorik Cana dhe Nantes, një martesë e lumtur për momentin, por që mund të mbyllet në verë.Kapiteni i Shqipërisë ka një kontratë dy-vjeçare me klubin francez, por gjithçka mund të marrë fund para kohe, këtë verë.

Nuk bëhet fjalë për probleme, por vetëm një marrëveshje xhentëlmenësh, që e ka zbuluar vetë Cana, duke folur për emisionin Fous de Foot në Télé Nantes.

“Kam një marrëveshje verbale me presidentin. Nuk do të kisha ardhur këtu, po të mos ishte për familjen Kita, njihemi prej 14 vitesh.

“Nanta ka një grup të talentuar dhe me të ardhme, ndërsa unë erdha për të dhënë ndihmë në një moment të caktuar, për pak kohë”.

E ardhmja është ende mister, por pas Euro 2016 Cana mund të largohet nga Europa, ndoshta në Amerikë.