Sadiku huazohet te FC Vaduz

Një nga befasitë e radhës është edhe huazimi i sulmuesit të FC Zurich , Armando Sadiku te FC. Vaduz i Litenshtajnit

Aksionarët e Klubeve në bashkëveprim me trajnerët shpeshherë marrinë vendime të çuditshme që befasojnë jovetëm lojtarët por edhe të gjithë sportdashësit.

Një nga befasitë e radhës është edhe huazimi i sulmuesit të FC Zurich , Armando Sadiku te FC. Vaduz i Litenshtajnit.

Skuadra e deridjeshme e djaloshit nga Elbasani, Armando Sadiku, gjatë këtij stinori po ballafaqohet me probleme të shumta.

Edhe ardhja e trajnerit finlandez Sami Hyypia në krye të kësaj ekipe nuk ka sjell kurrfarë këndellje . FC Zurich gjysmësezonin e Kampionatit të sivjetmë të Super Ligës zvicerane e ka përmbyllur i parafundit në tabelën e klasifikimit me vetëm shtatëmbëdhjetë pikë.

Duke u nisur nga situata aktuale në këtë Klub është tepër befasuese për të gjithë futbolldashësit se si në rrethana të tilla ka mundur të ndodhë huazimi i një sulmuesi cilësor siç është Sadiku tek FC Vaduz,kur vet FC Zurich, është në rrezik serioz për t’i dhënë lamtumirën shoqërimit me skuadrat më të mira të Zvicrës.

Kontributi i Sadikut në FC Zurich, në tri vitet e fundit ka qenë i jashtëzakonshëm. Ai në pozitën e sulmuesit në dobi të kësaj skuadre ka shënuar dhjetë gola. Këto të dhëna janë treguesi më i mirë që ky njëzetekatër vjeçar spikat me talentin e tij prej sulmuesi të mirëfilltë.

Sadiku gjithashtu është edhe titullar i kombëtares së Shqiprisë.

Ai në takimin vendimtar për kualifikimet e evropianit “ FRANCA 2016” pati shënuar golin e tretë të kombëtares sonë në përballje me Armeninë.

Paditur detajet besojmë që mosaktivizimi në njëmbëdhjetëshin e parë në katër ndeshjet e fundit të këtij sezoni e ka bërë mosdurues Sadikun, i cili duke u ndjerë jo mirë i trajtuar ka pranuar huazimin tek Vaduz , i fundit në tabelë dhe me gjasa tepër të vogla për të qëndruar në grup me dhjetë skuadrat më të mira të futbollit zviceran.

Në sulmin e skuadrës së re Sadiku do të jetë tandem me Albion Avdijajn ,i cili vitin që shkoi erdhi në FC Vaduz, si përforcim nga FC Wolfsburg i Gjermanisë./arif ejupi/