“Duam tre pikë në secilën ndeshje”, Meriton Korenica komenton përballjen ndaj Irlandës
RajoniPress
22:08, 22 Shtator, 2026
| 45 minuta më parë
Sulmuesi Meriton Korenica thotë se Kosova e motivuar është gati për të synuar pikët e plota me Irlandën.
Ylli rahovecas u ftua te “Dardanët” pasi Donat Rrudhani pësoi lëndim, ndërsa ka kompletuar seancën e dytë stërvitore me “Dardanët”.
Për faqen zyrtare të FFK-së, ai deklaroi se të gjithë lojtarët janë shumë të motivuar për ta dëshmuar vetën përballë irlandezëve.
“Sapo e kryem stërvitjen e dytë, po përgatitemi maksimalisht për ndeshjen e parë. Gjithçka po shkon shumë mirë, të gjithë lojtarët janë të motivuar për ndeshjen e parë”.
“Kosova ka treguar potencial shumë të madh për këto ndeshje edhe pres që të fitojmë. Në çdo ndeshje të japim maksimumin dhe të marrim tre pikë, më pas të shohim se çfarë do të ndodhë”.
“Tifozët? Pres të na përkrahin në çdo ndeshje dhe shpresoj që në çdo ndeshje t’i sjellim tre pikë”, deklaroi ai.
Përndryshe, Kosova do të përballet me Irlandën të enjten nga ora 20:45./Telegrafi/
