Festë të madhe sot pat Kishnapola

Festë të madhe, sot pat Kishnapola –Orë letrare ka organizuar shkolla !Me poetë po na vjen karvani –Kanë marrë rrugën po vijnë nga Gjilani !

Arsimtarët , si e kem traditë –
N’ oborr t’ shkollës kishin dalë me i pritë !
Shkolla e fshatit quhet “Afërdita” –
Për çdo ditë, po i shtohet rrita !
Para nxënësve , n’ këtë malësi kreshnike –
Fuqishëm jehonte fjala artistike !

Çdo poet nderohej me shumë mikpritje ,
Çdo poezi dëgjohej me duartrokitje !
Karvanit i prinë poeti Hysen Këqiku –
Lexon poezinë me vargje çeliku !

Pastaj dy artistë – që të dy Demira –
Para nxënësve dalin me vargjet më të mira !
Vjen përpara nxënësve edhe një bijë fisi –
Del e lexon vargje Albina Idrizi !

Gëzim e rreze drite shkëlqyen mbi kodra –
Kur lexonte vargje poeti Shefik Shkodra !
Në çdo skutë të shkollës jehonte gëzimi –
Kur lexonte vargje , ai Tefik Selimi !

Arsimtarët e shkollës sa mirë i kanë pritë –
Me mikpritje t’ ngrohtë , si e kem traditë !
Pije edhe drekë me ushqime tradicionale –
Si e kanë traditë shqiptarët në këto male !

I nderuan të gjithë me emër e mbiemër –
Bukë shtëpie, pritje me gjithë zemër !
Me ngrohtësi i përcollën t’ gjithë këta poetë –
Me lutje e dëshira që t’ iu vijnë apet !
N’ shenjë falënderimi , nuk pushojnë urimet ,
Por me ne për jetë do të rrojnë kujtimet !

Kishnapolë – Gjilan, më 17.12.2015. Demir Krasniqi