Mavraj: Jam gati të luaj me ekipin e parë

Mbrojtësi i Këlnit është rikuperuar plotësisht dhe është gati për të dhënë kontributin e tij në Bundesligën gjermane. Mërgim Mavraj kreu një operacion në gju dhe u desh që të qëndronte jashtë fushave të lojës që nga muaji qershor.

“Tashmë jam rikuperuar dhe gjuri më është përgjigjur shumë mirë. Ndihem edhe më i fortë sesa përpara dëmtimit. Jam gati për ekipin e parë, por nuk më takon mua që të flas për zgjedhjet e trajnerit sa i përket formacionit të parë. Kam bërë disa ndeshje me ekipin B të Këlnit për të testuar gjendjen e gjurit dhe fatmirësisht nuk ndiej asnjë shqetësim apo lodhje”, ka deklaruar mbrojtësi për mediat gjermane.

Ai do të mundohet që deri në muajin qershor të mund të arrijë një formë të shkëlqyer për të dhënë kontributin e tij me Kombëtaren në Europian.