Falja e borxheve në KEK, ATK dhe Dogana peshon afër 400 Milionë €

Rreth 400 milion euro llogaritet se qytetarë e biznese kanë borxh të akumuluar që nga paslufta e deri në fund të vitit 2008. Ky borxh është ndaj tri institucioneve, Korporatës Energjetike, Administrata Tatimore e Doganave të Kosovës.

Këto borxhe do të falen pasi që Qeveria e Kosovës ka marr vendim me 6 shkurtit të këtij viti 2015. Këtë hap qeveria e kishte pa si shumë të rëndësishëm, i cili do t’u ndihmojë qytetarëve të vendit, sidomos shtresat sociale. Kështu e kishte cilësuar edhe vetë ministri i Financave, Avdullah Hoti.

KEK-u prinë për nga shuma e borxhit që qytetarët kanë ndaj saj. Sipas Drejtorit për Shërbimet e Korporatës Elektro Energjetike (KEK), Edmond Nullshi, vlera e borxhit të përgjithshëm figuron të jetë rreth 347 milionë euro.

“Vlera e borxhit total deri më 31.12.2008 figuron të jete rreth 347 milionë euro”, tha Nulleshi.

ATK-ja pason KEK-un për shuma e borxhit që ia kanë qytetarët dhe bizneset.

Sipas zyrës për informim të ATK-së nën supozimin se nëse inkasohen të gjitha borxhet për periudhën janar 2009 deri në dhjetor 2014, sipas kushtëzimit nga vendimi i Qeverisë, atëherë nga kjo mund të falen mbi 40 milionë euro nga borxhi bazë.

Në këtë drejtim, Dogana e Kosovës llogaritet se shuma e borxhit i cili do t’i nënshtrohet procedurës për falje është mbi 6 milionë euro. “Borxhi i cili është evidentuar nga Dogana e Kosovës për këtë periudhe është 6,070,401.21 euro”, tha zëdhënësi i Doganës së Kosovës, Adriatik Stavileci. /Zeri