KEDS njofton për ndërprerje të rrymës sot në Viti, këto janë orët dhe zona e prekur

Viti – KEDS ka njoftuar për ndërprerje të planifikuar të energjisë elektrike në territorin e Komunës së Vitisë, për shkak të punimeve të domosdoshme për sigurinë dhe mirëmbajtjen e rrjetit elektroenergjetik.

Sipas njoftimit, ndërprerja do të realizohet nga ora 10:00 deri në 15:30, në daljen 10 kV Sllatina, me kod 61065002, e cila furnizohet nga nënstacioni Kllokot 35/10 kV.

Zonat që do të preken:

• Muhaxherët, në territorin e Komunës së Vitisë.

KEDS ka bërë të ditur se punimet përfshijnë mirëmbajtjen preventive dhe pastrimin e trasesë, me qëllim të rritjes së sigurisë dhe funksionimit të qëndrueshëm të sistemit të shpërndarjes së energjisë elektrike.

Konsumatorët e kësaj zone këshillohen të planifikojnë paraprakisht aktivitetet e tyre, duke marrë parasysh ndërprerjen e përkohshme të furnizimit me energji elektrike./rajonipress/