IHMK jep parashikimin e motit për vikend: Të shtunën shi, të dielën më shumë diell – Temperaturat arrijnë deri në 25 gradë

Instituti Hidrometeorologjik i Kosovës, ka dhënë parashikimin përgjatë dy ditëve të ardhshme. Në njoftimin e IHMK’së, thuhet se, gjatë të shtunës, temperaturat minimale do lëvizin mes 10 dhe 15 gradë celsius, ndërsa ato maksimale mes 20 dhe 25 gradë celsius.

Ndërkaq të dielën, temperaturat minimale pritet të jenë mes 11 dhe 15 gradë, kurse maksimalet mes 22 dhe 24 gradë celsius.

Nga IHMK thuhet edhe se të shtunën, në pjesë të vendit, sidomos gjatë pjesës së dytë të ditës, priten riga shiu, kryesisht me karakter lokal, kurse të dielën, moti do të jetë kryesisht me diell dhe vranësira të shpërndara, pa reshje të theksuara

Njoftimi:

PARASHIKIMI I MOTIT PËR VIKEND

📅 12–13 shtator 2026

🌤️ E shtunë, 12 shtator 2026

Gjatë ditës së shtunë, në Kosovë pritet mot pjesërisht i vranët, me intervale të shkurtra me diell. Në disa pjesë të vendit, sidomos gjatë pjesës së dytë të ditës, priten riga shiu, kryesisht me karakter lokal.

🌡️ Temperaturat minimale do të lëvizin nga 10 deri në 15°C, ndërsa temperaturat maksimale nga 20 deri në 25°C.

💨 Do të fryjë erë nga veriperëndimi, me shpejtësi 1–7 m/s.

☀️ E diel, 13 shtator 2026

Të dielën, moti do të jetë kryesisht me diell dhe vranësira të shpërndara, pa reshje të theksuara.

🌡️ Temperaturat minimale do të lëvizin nga 11 deri në 15°C, ndërsa temperaturat maksimale nga 22 deri në 24°C.

💨 Era do të fryjë nga verilindja, me shpejtësi 1–5 m/s.

🧍‍♀️ Kushtet biometeorologjike

Të shtunën, ndryshimi i kushteve atmosferike dhe mundësia për reshje lokale mund të ndikojnë në rritjen e ndjeshmërisë së personave meteoropatë.

Të dielën, me përmirësimin e motit dhe rritjen e intervaleve me diell, kushtet biometeorologjike pritet të jenë më të favorshme për shumicën e njerëzve.