Arrestohet një i mitur në Novobërdë nën dyshimin për vjedhje të rëndë

Gjilan – Policia e Kosovës ka njoftuar për një rast të “Vjedhjes së rëndë”, të raportuar në fshatin Busincë të Novobërdës.

Sipas njoftimit policor, lidhur me rastin është arritur të identifikohet dhe arrestohet një i dyshuar, mashkull kosovar dhe i mitur.

Pas intervistimit dhe procedurave fillestare, me vendim të prokurorit i dyshuari është liruar dhe rasti do të vazhdojë të trajtohet në procedurë të rregullt.

Policia nuk ka bërë të ditura detaje të tjera lidhur me rrethanat e rastit apo vlerën e dëmit të shkaktuar./rajonipress/