Naftëtarët refuzojnë fiskalizimin

Pavarësisht se nga 1 gushti, me një udhëzim të ri administrativ, Administrata Tatimore e Kosovës ka paraparë që të gjitha pikat e derivateve të naftës të pajisen me arka të veçanta fiskale me qëllim të shmangies së evazionit fiskal, një gjë e tillë nuk po gjen zbatim.

Përfaqësues të Shoqatës së Naftëtarëve të Kosovës kanë thënë se vazhdojnë të kundërshtojnë rifiskalizimin me arsye se operatorët po mbajnë çmime jashtëzakonisht të larta. Ata thonë se derisa të mos ketë operatorë të tjerë nuk do t’i përgjigjen thirrjes për rifiskalizim.

Fadil Berjani, kryetar i Shoqatës së Naftëtarëve, ka thënë se mosfutja e operatorëve të rinj ka bërë që shumica e tyre të mos i binden thirrjes që të rifiskalizohen deri më 1 gusht./zeri/