Abrashi: Zvicra hapi rrugën për pensionet e kosovarëve

Ministri i Punës dhe Mirëqenies Sociale, Arban Abrashi ka thënë Qeveria e Zvicrës hapi rrugën për marrëveshje në fushën e pensioneve, shkruan Gazeta Express.

Në këtë mënyrë do të arrihet marrëveshja që qytetarët e Kosovës që kanë punuar në shtetin e Zvicrës, por që kanë probleme me marrjen e pensioneve mund t’i zgjidhin mosmarrëveshjet dhe të marrin pension nga shteti zvicerian.