Ndërprerje e planifikuar e energjisë elektrike në disa fshatra të Gjilanit, ja zonat që preken

Gjilan – Për shkak të punimeve të domosdoshme për sigurinë dhe mirëmbajtjen e sistemit elektroenergjetik, në disa zona të Komunës së Gjilanit do të ketë ndërprerje të planifikuar të energjisë elektrike.

Sipas njoftimit, ndërprerja do të zgjasë nga ora 10:00 deri në 15:30 dhe do të përfshijë disa lokalitete që furnizohen nga linja 10 kV Zhegra, në kuadër të nënstacionit 35/10 kV Lladovë.

Zonat ku do të ndërpritet energjia elektrike janë:

Shurdhani

Pidiqi

Selishta

Qeliku

Haxhta

Isufaj

Terziaj

Ndërprerja do të prekë edhe disa transformatorë dhe pika të furnizimit në këto zona, përfshirë Terziqin, Godenin, Pidiqin 1 dhe 2, Restoran Pidiq, Qelikun, Dunavin e Ulët, Stanqiqin dhe Doganën në Stanqiq.

Sipas njoftimit, arsyeja e ndërprerjes është mirëmbajtja preventive dhe pastrimi i trasesë, me qëllim të rritjes së sigurisë dhe besueshmërisë së sistemit të furnizimit me energji elektrike.

Banorët dhe bizneset në zonat e përfshira këshillohen që ta marrin parasysh orarin e ndërprerjes dhe të planifikojnë aktivitetet e tyre në përputhje me të./rajonipress/