Sinani u del në ndihmë objekteve vitale

Kamenicë – Kryetari i Komunës së Kamenicës Begzad Sinani u ka dalur në ndihmë dy objekteve vitale stacionit të policisë dhe çerdhes së fëmijëve të cilat nuk kanë pasur fare qasje në kyçjen e kanalizimit.

Sinani tha për rajonipress se po vazhdon të zbatohet projekti i ndjeshëm “Trajtimi i ujërave të zeza” në qendër të qytetit të Kamenicës, për disa objekte vitale.

Sinani tha se me kërkesën e komandës regjionale të policisë dhe çerdhes së fëmijëve ka vendosur tu ndihmojë kyçjen në kanalizim. “Nuk kam pasur informacione për këto probleme dhe kam aprovuar menjëherë kërkesën e tyre dhe ky projekt që kap vlerën e 12 mijë eurove tani po realizohet dhe këto dy objekte do të kenë kyçje” tha Sinani./rajonipress/