43 aksidente brenda ditës, 13 me të lënduar

Raporti i fundit i Policisë së Kosovës tregon se brenda 24 orëve të fundit kanë ndodhur 43 aksidente trafiku, prej të cilave 13 kanë përfunduar me persona të lënduar dhe 30 të tjera me dëme të konsiderueshme materiale.

Ndërsa ndaj të gjithë personave që kanë thyer rregullat e trafikut, policia rrugore ka shqiptuar 1104 gjoba kundërvajtëse. Aksidente trafiku kishte në të gjitha rajonet e Kosovës, mirëpo asnjëri prej tyre nuk ka përfunduar me pasoja fatale./Indeksonline/