Kapiteni Ard Limani i siguron tri pikë të reja Dritës

Në stadiumin e qytetit në Gjilan, skuadra e Dritës ka zhvilluar ndeshjen e mbetur të javës së parë për shkak angazhimeve në Kupat Evropiane me Llapin nga Podujeva, duke e mposhtur me rezultat minimal 1-0, por tejet e vlefshme për kreun e tabelës së klasifikimit.

Gjatë 90 minutave nuk u zhvillua futboll i pëlqyeshëm pasiqë të dy skuadrat më tepër kërkonin nga gabimet kundërshtare.

Minuta e 17 e ndeshjes ishte vendimtare në këtë përballje, pas një goditje nga 30 metra, Xhevdet Shabani, gjuan fuqishëm portieri mysafirë Shala intervenon shkurtazi e më së miri gjendet kapiteni Ardian Limani i cili nga afërsia shënon për ti siguruar tri pikë tejet të vlefshme për kreun e tabelës skuadrës së Dritës.

Xhevdet Shabani ka mundur shumë lehtë të shënon në minutën e 74-të, por gjuajtja e tij në vend të përfundon në rrjet godet horizontalen e portierit të Llapit, Shalës.

Mysafirët rastin më ideal për të shënuar në këtë ndeshje i patën në minutën e 49-të, Valmir Veliu dështon nga një pozitë ideale për ta mposhtur Rexhepin e Dritës.

Pas ndeshjes trajneri i Dritës, Ardian Nuhiu, deklaroi.
“Në këtë ndeshje më e rëndësishmja ishte fitorja dhe 3 pikë, djelmoshat e mi u angazhuan shumë dhe i përgëzoj për këtë angazhim, ishte një ndeshje e fortë ku skuadra mysafire shumë herë na pruni në vështirësi gjatë lojës”.

Ndërsa trajneri i Llapit, Tahir Batatina, ka theksuar pas 90 minutave.
“Golin ja dhuroi Dritës portieri jonë, që nga fillimi kemi dominuar ndeshjes, sot nuk është ditur a është Drita kampion apo Llapi”.

Me këtë fitore Drita pozicionohet në vendin e dytë me dy pikë më pak se lideri Ballkani, ndërsa ditën e diel Drita në Gjilan e pret liderin Ballkanin./rajonipress/