Kapiteni i Kombëtares shqiptare, Elseid Hysaj udhëton drejt Shqipërisë për ndeshjet e muajit nëntor

Mbrojtësi i Napolit, Elseid Hysaj pas fitores së mbrëmshme (0:1) me skuadrën e tij, sot ka marrë rrugën drejt Shqipërisë, raporton “Zeri.info”.

Hysaj do të jetë i grumbulluar me Kombëtaren shqiptare të futbollit për ndeshjet e muajit nëntor.

Kapiteni shqiptar ka postuar një fotografi në rrjetin e tij social “Instagram”, teksa shihej që mbante në dorë pasaportën e Shqipërisë.

Kombëtarja e Shqipërisë në futboll do t’i ketë tri ndeshje në program për muajin nëntor.

Fillimisht, me 11 nëntor Shqipëria takohet me një ndeshje miqësore me Përfaqësuesen e Kosovës.

Dy duelet tjera të Shqipërisë janë në kuadër të Ligës së Kombeve ndaj Lituanisë dhe Kazakhistanit. /Zeri.info