Nevzati: Luta po e shëmton qytetin dhe të ardhmen e tij, të largohet sa më parë

Gjilan – Bujar Nevzati këshilltar komunal nga PDK-ja në seancën e KPF-së të mbajtur këtë të hënë ka kërkuar nga kryesuesja e Kuvendit disa sqarime dhe ka përsëritur kërkesën e tij që Lutfi Haziri sa më parë të largohet nga Komuna sepse kjo është edhe në të mirë të qytetarëve e ma shumë në të mirë të tij, sepse po e shëmton qytetin tonë dhe të ardhmen e tij.

Nevzati tha se kërkova nga Kryesuesja që në seancën e radhës të na njoftoi, se pse në Gjimnazin “Xhavit Ahmeti”, nuk po mbahet mësim në lëndën e Historisë. “Po ashtu ngrita çështjen e Ndërprerjes së punimeve të kanalizimit në fshatin Përlepnicë, ndërprerjen e punimeve të shtëpisë së Kulturës.Po ashtu edhe në ketë seancë kam ngrit mungesën e Kryetari Haziri në KPF e në seancat e kuvendit. Prandaj atë që e kam thënë që nga fillimi, se ne jemi pa, kryetar Komune, jemi pa zot shtëpie, po vërtetohet për ditë e ma shumë edhe nga qytetarët e Komunës e edhe nga bashkëpunëtorët e tij ma të ngushtë. Se po të kishim ne zot shtëpie, nuk kishin me ndodh këto degradime që po ndodhin për çdo ditë e ma shumë në Komunën tonë, si është e mundur që mos me mund me zgjidh problemin e një profesori për 6 muaj, pastaj ndërtimet pa leje, lumi Mirusha, nderimi i infrastrukturës pa asnjë kriter, punësimet e familjarëve të udhëheqësve të Komunës. Prandaj kërkojmë nga ai, që sa më parë të largohet nga Komuna sepse kjo është edhe në të mirë të qytetarëve e ma shumë në të mirë të tij, sepse po e shëmton qytetin tonë dhe të ardhmen e tij” ka thënë Nevzati./rajonipress/