Komuna e Vitisë vazhdon pastrimin e hapësirave publike, Musliu: Jemi në shërbim të qytetarëve

Viti – Drejtoria për Shërbime Publike dhe Emergjenca në Komunën e Vitisë po vazhdon aktivitetet për mirëmbajtjen dhe pastrimin e hapësirave të hapura publike në komunë.

Përmes një postimi në rrjetet sociale, Arton Musliu ka bërë të ditur se puna në terren po vazhdon, duke theksuar përkushtimin e qeverisë lokale për t’u shërbyer qytetarëve. Musliu ka shprehur mirënjohje të veçantë për Destan Avdylin dhe punëtorët e angazhuar në këto aktivitete, të cilët, pavarësisht vështirësive objektive, sipas tij po e kryejnë punën me nder dhe përkushtim.

“Si qeveri lokale jemi në shërbim të qytetarëve”, ka shkruar Musliu, duke përcjellë mesazhin se mirëmbajtja e hapësirave publike mbetet një nga angazhimet e vazhdueshme të institucioneve lokale./rajonipress/