Rezervisti Betim Haxhimusa i siguron tri pikë të reja Dritës
RajoniPress
16:38, 14 Tetor, 2020
Ndeshja në mes Dritës e Trepcës’89 është dashur të zhvillohet në javën e dytë, por është shtyer për shkak të angazhimeve të Dritës në Ligën e Europës.
Skuadra e tjera të Superligës kanë nga pesë ndeshje të zhvilluara, ndërsa për Dritën kjo ishte ndeshja e tretë.
Tri ndeshje të zhvilluara tri fitore është bilanci i “bardhekaltërve” të Dritës në këtë stinorë, kësaj radhe me mjaft vështirësi kanë mposhtur Trepcën’89 me rezultat minimal 1-0.
Skuadra mysafirë Trepca’89 u tregua një skuadër mjaft e fort gjatë 90 minutave duke i shkaktuar mjaft kokëçarje kampionit aktual të Kosovës, Dritës.
Në minutën e 12-të, Xhevdet Shabani gjuan nga ndërprerja por portë e tij e shpëton portieri mysafir Prince Marley.
Rast të mirë shënimi mysafirët kishin në minutën e 19-të, por gjuajtjen e Kaqar portieri Maloku e dëbon jashtë vijës fundore të tij.
Në minutën e 35-të, Bujar Shabani gjuan bukur por portieri Marley e dëbon topin duke shpëtuar ku topi devijohet në horizontalen e tij.
Kastriot Rexha ka mundur lehtë të shënon në minutën e 44-të, por mbrojtësi Kaqiu largon topin nga vija fatale e portës së tij.
Në pjesën e dytë futbollistët e Dritës ishin më të rrezikshëm duke kërkuar golin e epërsisë.
Golin e fitores arrinë në minutën e 59-të, Fazliu asiston gjerë tek Rexha ky me kokë gjerë te Haxhimusa i cili pak minuta më parë ishte futur nga banka e rezervistëve, dhe me kokë nga 3 metra mposht portierin mysafirë Marley, për ti siguruar skuadrës së tij tri pikë tejet të vlefshme.
Gjashtë minuta më vonë, Rexha, ka mundur lehtë të shënon por gjuajtjen e tij e pengon shtylla mysafire.
Golashënuesi i vetëm i kësaj ndeshje Betim Haxhimusa ka mundur shumë lehtë në minutën e 88-të, të shënon golin e tij të dytë në këtë ballafaqim por edhe pse i vetmuar gjuajtja e tij përfundon jashtë portës mysafire.
Trajneri i Dritës, Ardian Nuhiu, pas ndeshjes ka deklaruar.
“Jam i kënaqur me fitore por kemi mundur edhe ta humbim këtë ndeshje pasi skuadra mysafire u tregua mjaft e rrezikshëm, por me rëndësi kemi marr tri pikë tejet të vlefshme”.
Në javën e VI-të, Drita si vendëse zhvillon derbin me Gjilanin./rajonipress/
