Te Fenerbahçe, Kemal Ademit nuk i pëlqen të krahasohet me Vedat Muriqin
RajoniPress
23:45, 9 Tetor, 2020
Sulmuesi nga Kosova, Kemal Ademi është prezantuar gjatë ditës së sotme te skuadra e Fenerbahçe, aty ku ai u transferua nga Baseli ditë më parë.
Pas largimit të Vedat Muriqit në drejtim të Lazios, klubi nga Stambolli transferoi Ademin, i cili u paraqit sot në një konferencë për shtyp, shkruan
“Zeri.info”.
Ademi premtoi se do ta jap maksimumin për Kosovën, derisa tha se nuk dëshiron të krahasohet me Muriqin.
“Ndihem mirë këtu dhe jam i lumtur që jam pjesë e Fenerbahçes. Nuk kam folur me Vedat Muriqin, por i kam shënuar ndeshjet e tij”, ka thënë fillimisht reprezentuesi i Zvicrës.
“Ai ka shënuar shumë gola dhe është një futbollist fantastik. Nuk jam tip i njejtë me Vedatin, pasi dallojmë në karakteristika”, tregon më tej Ademi.
“Jam më i shpejtë për gjatësinë time dhe jam sulmues që më pëlqen të luaj me ritëm të shpejtë të lojës. Shpresoj të shënoj sa më shumë gola këtu”, potencoi ai.
Ndryshe, Ademi edicionin e kaluar ishte pjesë e Baselit, ku ai shënoi 15 gola në 43 ndeshje. /Zeri.info
