AAK-NISMA ia marrin terrenin VV-së

Protesta e opozitës së bashkuar AAK- Nisma, e vikendit të kaluar, dhe masiviteti që nuk është pritur, sipas vlerësimit të analistëve politikë, është një tregues që flet se me distancimin e Lëvizjes “Vetëvendosje!” nga fronti i bashkuar opozitar, ky subjekt që përbën shumicën opozitare në Kuvend, është duke e humbur primatin për të qenë partia më e madhe e opozitës. Sipas analistëve, protesta e 14-të majit është një leksion i mirë për Lëvizjen “Vetëvendosje!”, që ta rishohë pozicionin e saj.

Analistët kritikojnë qëndrimin e Lëvizjes “Vetëvendosje!”

“Me këtë protestë, qytetarët e Kosovës dëshmuan që nuk e duan këtë qeverisje, por nuk duan as që ‘Vetëvendosje!’ të qeverisë e vetme. Ata në radhë të parë e dënuan ‘Vetëvendosje!’-n për qëndrimin e saj kapricioz”, tha analisti politik Nexhmedin Spahiu për “Kosova Sot”

Protesta e opozitës së bashkuar AAK- Nisma, e vikendit të kaluar, dhe masiviteti që nuk është pritur, sipas vlerësimit të analistëve politikë, është një tregues që flet se me distancimin e Lëvizjes “Vetëvendosje!” nga fronti i bashkuar opozitar, ky subjekt që përbën shumicën opozitare në Kuvend, është duke e humbur primatin për të qenë partia më e madhe e opozitës. Sipas analistëve, protesta e 14-të majit është një leksion i mirë për Lëvizjen “Vetëvendosje!”, që ta rishohë pozicionin e saj.

“Protesta e 14-të majit tregoi se populli i Kosovës do mirëkuptimin dhe bashkëpunimin mes forcave politike, e do demokracinë dhe jo autokracinë. Ishte fitore e madhe për AAK-në e NISMË-n, e debakël për ‘Vetëvendosje!’-n. VV-ja duhet t’i rishikojë edhe një herë pozicionet e veta, të ulë pazarin dhe t’i bashkohet opozitës së bashkuar, AAK- NISMA, ndryshe do të humbasë lojën politike. Me këtë protestë qytetarët e Kosovës dëshmuan që nuk e duan këtë qeverisje, por nuk duan as që ‘Vetëvendosje!’ të qeverisë e vetme. Ata në radhë të parë e dënuan ‘Vetëvendosje!’-n për qëndrimin e saj kapricioz,”, tha analisti politik Nexhmedin Spahiu për “Kosova Sot”.

VV-ja të bëhet konstruktive Magjistri i shkencave politike

Ali Hertica thotë se demonstrimi i së shtunës tregoi qartë se opozita e bashkuar është një fuqi që mund të rikthejë atë që po e kërkon sovrani dhe elektorati pa dallime në përkatësi politike. “Opozita e bashkuar tregoi se ka fuqi të marrë hapa drejt radikalizmit dhe rrëzimit të Qeverisë së dështuar në të gjitha segmentet e shtetndërtimit, e që sot po shkon drejt një kolapsi të detyruar nga kriminelët dhe banditët që po shpërlajnë para dhe po e zhvatin pasurinë e kësaj shoqërie”, ka thënë ai./kosova sot/