Tri klube franceze e duan Zhegrovën

E ardhmja e futbollistit kosovar të Genkun mund të jetë e lidhur me Ligue 1, ku e duan Olympique Marseille, Lille dhe Nantes. Talentin kosovar e pëlqejnë edhe klubet angleze, Chelsea e Wolverhamptoni

E ardhmja e Edon Zhegrovës mund të jetë e lidhur me futbollin francez, shkruan Gazeta Express.

Ylli kosovar aktualisht është i huazuar në Basel, por klubi zviceran nuk duket i interesuar për ta mbajtur atë më gjatë në ekip.

Për këtë, përfaqësuesi kosovar do të rikthehet gjatë verës përkohësisht në Genk.

E mediat franceze shkruajnë se 21 vjeçari mund të përfundojë në Ligue 1.

Futbollistin e krahut e pëlqejnë tri klube franceze.

Bëhet fjalë për Marseillen, Lillen dhe Nantesin.

E në Angli, mesfushorin ofanziv e pëlqejnë Chelsea dhe Wolverhamptoni.

Në Itali, për futbollistin e Genkut informata ka kërkuar Lazio.

Mirëpo, deri tash nuk ka arritur asnjë ofertë zyrtare për futbollistin prishtinas.

Menaxheri i tij, Marc Van Osselaer javë më parë thoshte se Franca do të ishte një destinacion ideal për Zhegrovën pasi aty do të mund të zhvillohej dhe do të bënte përvojë. /Gazeta Express/