Fitore e vështirë, por e merituar e Gjilanit

Në javën e 21-të, skuadra e Gjilanit në një fushë të mbuluar me ujë ka arritur me mjaft vështirësi ta mposht skuadrën e Feronikelit me rezultat 2-1.

“Bardhekuqët” e Gjilanit furishëm filluan ndeshjen dhe në minutën e 9-të, Fiton Hadari me mjeshtri arrin të realizon duke mposhtur portierin Lorian Smakiqin 1-0.

Tre minuta më vonë në minutën e 12-të, Fiton Hajdari edhe një herë shënon duke e detyruar portierin Smakiqin të kapitullon për herë të dytë.

Mysafirët arrijnë të zbusin epërsinë në minutën e 38-të, mbrojtësi Islami harkon e më së miri gjendet Albert Dabiqaj i cili me kokë shënon 2-1.

Në minutën e 50-të, mbrojtësi i Feronikelit Ilir Berisha luan me dorë dhe arbitri Fatmir Tahiri , akordon në pikën e bardhë për Gjilanin.

Nga pika e bardhë futbollist kroat Tomisllav Busiq gjuan por Smakiqi i’a mohon golin.

Pas ndeshjes trajneri i Gjilanit, Gentjan Mezani, ka deklaruar.
“Ndeshje e vështirë nëpër mot të vështirë, e deshëm më shumë fitoren dhe i’a arritëm të arkëtojmë tri pikë të vlefshme”.

Në ndeshjen e javës së 22-të, Gjilani ballafaqohet me Llapin në Podujevë./rajonipress/