De Biasi tregon hapur pse nuk e fton Mehën

Emri i Alban Mehës nuk është në listën e De Biasit për dy ndeshjet miqësore që Shqipëria do t’i zhvillojë ndaj Austrisë dhe Luksemburgut.

Mesfushori kosovar ka shkëlqyer në kampionatin turk me Konyasporin që renditen në pozitën e tretë.

Golat, asistimet dhe paraqitjet e mira të mitrovicasit nuk i kanë lënë përshtypje si duket italianit që ka treguar arsyeje pse nuk e fton Mehën.

“Meha është një futbollist që gjithsej në eliminatore ka luajtur vetëm 13 minuta, ndaj besoj se është e qartë pse nuk e ftoj”, ka sqaruar De Biasi.

Gjithsesi duket se Albani dhe De Biasi kanë krisur marrëdhëniet e tyre dhe ai që humb më shumë duket se është Meha, pasi pritet të lihet jashtë listët për në Kampionatin Evropian ‘Francë 2016’. /Telegrafi